Zindagi meri dosti, Dost meri zindagi...

Bachpan se lekar aajtak, jeevan ke har mukaam par,
Girte padte ladkhadate kai kadam uthaye,sambhalte hue raaste banaye,
Un raasto pe chalte chalte manzilein banayi,
har mod pe, har mukaam pe maine jaha bhi kadam bichaye,
abhimaan se kehta hu aaj ki, har samay Maine bemisaal dost banaye...

wo subah subah lagti class, class se hum or humse class
wo cricket ka bat or suna maidaan, choti choti baton pe ban jana pehelwaan
wo samaosa,cream roll or aloo banda, jispe toote class ka har banda
wo ladkiyo ki baatein, na jaane kitno ne khaayi kitni laatein,
wo yaaraan ka tiffin, loot loot khaya har ek din,
wo uniform wo tie, jise roz gharjake humne mitti me lautai,
wo yaaro ki taang kheechna, haste hasate poora mauhol kheechna,
wo teacher ko chedna, or roz naye naye dhang se pitna,
wo cycle ki race, jaise duniya me humsa na koi tej,
sath sath paas hona, sath sath fail hona..
achanak bin baat pe hasna, or dosto ke lie poore sheher se ladna,
Har wo chote mote, haste rote khel, jinke bina zindagi ho gai be-ras
school ke wo 14 baras, jinko dobara pane ko hum gaye taras,

wo raat raat jagna, phone pe baatein karna or college aake bunk karna,
naye naye kapde, naye naye funde na jaane gaade kitne jhande..
wo college ka garden, or wo garden me college,
fail hone pe dilasa, ache number aane pe galiyo ka batasha,
wo naye naye crush na jaane kitno ke dil hue crush or dimaag bhrashta,
wo bike, wo tapri pe bante 5 star plan, pahuchna dhabe,or bill dekh ke wo hairat bhare nain,
internet ka naya naya rog, bane kai naye naye anjaan se mast dost...
wo naye naye naam jaise banti nayi nayi pehchaan,
wo sadar ki galiya, clock tower ki raatein, ccd ki coffee or humari pyari chaupati,
wo technical kameenepan ke 4 saal, hai humare lie ab bhi yaadgaar..

Naya desh, naya sheher, ek ajeeb sa darr or mann me khushi ki leher,
ghar ke pehle pehle kaam, experiements karke bane hum b chef or hamaal,
wo naye dost, nayi bhasha, har baat ka nikalta ek hi saar, ki sabke hai bure haal,
wo ghar ki yaadein, wo kal ki baatein, ek dusre ko sunana or pakana,
wo daru ki bottle, or girte sambhalte dost, wo poorane gaane or madhoshi me nikalte bade bade bol,
Wo goriyo ko dekh ke aahein bharna, or ghar aake khwabo me padna,
wo university me bhatkna, bus me latakna or assignment ke lie tadapna,
wo tension or bhadaas, daru ki pyaas or naukri ki aas,
Naukri ki talaash me kya kya papad bele, kabhi bhook kabhi pyaas,
naye dosto ke sath b rachaye kai kameenagiri ke itihaas...

Jab jab apne dil ko tanha paya,
humesha apne bemisaal dosto ko apne sath paya,
meri khushi me kab koi shareekh hoga,
mere dukh me mere sa dukhi kaun hoga,
sirf ek sawaal hai mere dosto,
keh do ye sab dobara kab hoga??